Fəzail İbrahimli: Konstitusiyamıza görə hər bir vətəndaşın dini etiqad azadlığı qorunur
Bakı, 30 mart, AZƏRTAC
Azərbaycan öz tarixinin ən gözəl dövrünü yaşayır. Bu gün respublikamızın dünya dövlətləri sırasında öz sözü və yeri vardır. Ölkəmizdə bütün sahələrdə olduğu kimi, dövlət-din münasibətləri diqqətdə saxlanılır.
AZƏRTAC xəbər verir ki, bunu Milli Məclis sədrinin müavini, İctimai birliklər və dini qurumlar komitəsinin sədri Fəzail İbrahimli komitənin martın 30-da keçirilən iclasının gündəliyindəki “Azərbaycanda dövlət-din münasibətləri: real durum və perspektivlər” məsələsinə münasibət bildirərkən səsləndirib.
Fəzail İbrahimli qeyd edib ki, müxtəlif illərdə qoyulan qadağalara və siyasətə baxmayaraq, Azərbaycan xalqı öz dinini və milli-mənəvi dəyərlərini qoruyub saxlayıb. Beynəlxalq hüququn normalarına söykənən Azərbaycan Konstitusiyası milliyyətindən asılı olmayaraq, hər bir vətəndaşın dini etiqad azadlığını tanıyır. Qanunla hər kəsə öz iradəsi ilə istədiyi dini seçməyə və azad şəkildə ibadət etməyə icazə verilir.
Milli Məclis sədrinin müavininin sözlərinə görə, “Dini etiqad azadlığı haqqında” Qanun Azərbaycanda dövlət-din münasibətlərinin yüksək səviyyədə olduğunu göstərir.
ICESCO azadlıqlar və islami dəyərlər mövzusunda konfransa ev sahibliyi edib
Dövlət Komitəsi nəzir qutuları və ianələrlə bağlı əsassız ittihamlar səsləndirənlərə cavab verib
Azərbaycandakı dini konfessiya rəhbərləri Laçın yolundakı vəziyyətlə bağlı birgə bəyanat yayıblar