Hərbi Administrasiya: Kiyev istiqamətinə atılan kamikadze dronların hamısı zərərsizləşdirilib
Kiyev, 28 mart, AZƏRTAC
Martın 28-nə keçən gecə Rusiya ordusunun Kiyev istiqamətində atdığı bütün İranın “Shahed” tipli kamikadze dronları paytaxt yaxınlığındakı səmada Ukrayna hava hücumundan müdafiə qüvvələri tərəfindən məhv edilib. Eyni zamanda, vurulmuş hədəflərin qalıqları paytaxtın Svyatoşin rayonunda qeyri-yaşayış sahələrinə düşərək yanğına səbəb olub.
AZƏRTAC xəbər verir ki, bu barədə Kiyev şəhər Hərbi Administrasiyasının mətbuat xidməti məlumat yayıb.
"İlkin məlumatlara görə, hava hücumundan müdafiə qüvvələrimiz Kiyev ətrafındakı hava məkanında bütün düşmən hədəflərini aşkarlayaraq məhv edib. Kiyevin Svyatoşin rayonunda PUA-nın qalıqları qeydə alınıb, nəticədə 200 kvadratmetr qeyri-yaşayış binasında yanğın baş verib”,- deyə məlumatda bildirilir.
Ölən və xəsarət alanların olub-olmaması dəqiqləşdirilir.
Emil Hüseynli
AZƏRTAC-ın xüsusi müxbiri
Kiyev
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır