Şimali Koreya nüvə başlığı daşıya bilən “Hvasal-1” və “Hvasal-2” raketləri buraxıb
Bakı, 24 mart, AZƏRTAC
Martın 22-də Şimali Koreya nüvə başlığını imitasiya edən eksperimental döyüş başlıqları olan “Hvasal” seriyalı qanadlı raketləri sınaqdan keçirib.
AZƏRTAC xəbər verir ki, bu barədə "Koreya səsi" dövlət radiosu məlumat yayıb.
“Martın 22-də qanadlı raketlərlə silahlanmış bölmələrin taktiki nüvə hücumu üzrə tapşırıqların yerinə yetirilməsi məqsədilə təlimləri keçirilib. Strateji qanadlı raketlər eksperimental döyüş başlıqları olan nüvə silahı ilə təchiz edilib”, - dövlət radiosu qeyd edib.
Təlimlər zamanı “Hvasal-1” və “Hvasal-2” seriyalı dörd raket buraxılıb. Raketlər Yapon dənizi üzərindən 1500-1800 kilometr məsafədə uçub və şərti hədəfləri vurub. Raketlərdən biri nüvə partlayışına nəzarət sistemlərinin və imitasiya qurğularının etibarlılığını yoxlamaq üçün 600 metr yüksəklikdə partladılıb.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır