Bakı, 4 mart, AZƏRTAC

Çinin 2023-cü il büdcəsində müdafiə xərclərinin artırılması nəzərdə tutulub.
AZƏRTAC xəbər verir ki, bunu jurnalistlərə Çin Xalq Nümayəndələri Yığıncağının rəsmi nümayəndəsi Van Çao deyib. Onun sözlərinə görə, müdafiə xərclərinin artırılması təhlükəsizlik sahəsində Çinin qarşılaşdığı mürəkkəb çağırışlara reaksiyanın vacibliyi və ölkənin öhdəlikləri ilə bağlıdır.
Van Çao konkret rəqəmlər səsləndirməsə də, nəzərdə tutulan xərclərin miqdarının nümayəndələrə təqdim olunacaq büdcə layihəsində göstəriləcəyini bildirib.
2021-ci ildə Çinin müdafiə büdcəsi 6,8 faiz artaraq 209 milyard dollar, ötən il isə 7,1 faiz artaraq 229,5 milyard dollar təşkil edib.