Gəncə, 26 fevral, Elcan Məmmədov, AZƏRTAC

Fevralın 26-da saat 17:00-da Azərbaycanın bütün ərazisində olduğu kimi, Gəncədə də Xocalı soyqırımı qurbanlarının xatirəsi bir dəqiqəlik sükutla yad olunub.
AZƏRTAC-ın bölgə müxbiri xəbər verir ki, şəhər ictimaiyyəti, KİV nümayəndələri və digər şəxslər Vətən müharibəsi dövründə Gəncənin Ermənistan silahlı qüvvələri tərəfindən raket atəşinə tutulması nəticəsində Ə.Rəfibəyli küçəsi, “Qələbə” parkının yaxınlığında dağılan ərazini ziyarət edib, həlak olan dinc sakinlərin xatirəsini və Xocalı soyqırımı qurbanlarının xatirəsini anıblar.
Qeyd edək ki, həmin vaxt şəhərin küçələrində nəqliyyat vasitələrinin hərəkəti dayandırılıb.