Naxçıvanda dövlət satınalmaları ilə bağlı təlim keçirilir
Bakı, 17 fevral, AZƏRTAC
İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti və Naxçıvan Muxtar Respublikasının İqtisadiyyat Nazirliyi dövlət satınalan təşkilatları və sahibkarlar üçün üçgünlük təlimlər keçirir.
Dövlət Xidmətindən AZƏRTAC-a bildirilib ki, təlimlərdə Muxtar Respublikada fəaliyyət göstərən dövlət satınalan təşkilatların 100-ə yaxın əməkdaşı iştirak edir. İştirakçılar dövlət satınalmalarının planlaşdırılması və təşkili metodları, tender təkliflərinin qiymətləndirilməsi, satınalma müqavilələrinin bağlanması və digər mövzular üzrə məlumatlandırılır. Təlimin sonuncu günündə sahibkarlıq subyektləri üçün dövlət satınalmalarında iştirak qaydaları, tender təkliflərinin hazırlanması və digər mövzular üzrə təlim təşkil olunacaq.
Tədbirin məqsədi dövlət satınalan təşkilatları tərəfindən “Dövlət satınalmaları haqqında” Qanunun müddəalarına riayət olunması və sahibkarlıq subyektlərinin dövlət satınalmalarında fəal iştirakının təmin edilməsidir.
Bu cür tədbirlərin mütəmadi təşkili nəzərdə tutulur.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib