Texnologiya Universiteti daha bir Avropa universiteti ilə əməkdaşlığa başlayır
Gəncə, 17 fevral, Elcan Məmmədov, AZƏRTAC
Azərbaycan Texnologiya Universiteti ilə Almaniyanın Trier Tətbiqi Elmlər Universiteti arasında əməkdaşlıq əlaqələri qurulub.
Universitetdən AZƏRTAC-ın bölgə müxbirinə verilən məlumata görə, bu çərçivədə Trier Tətbiqi Elmlər Universitetinin professoru Patrick Siegfried Azərbaycan Texnologiya Universitetində olub, rektor əvəzi, dosent Yaşar Ömərovla görüşüb. Görüş zamanı uzunmüddətli əməkdaşlığın perspektivləri, eləcə də birgə həyata keçirilə biləcək planlar müzakirə edilib.
Görüşün sonunda hər iki universitet arasında əməkdaşlıq memorandumu imzalanıb. Trier Tətbiqi Elmlər Universitetinin prezidenti Dorit Şumanın əvvəlcədən imzaladığı sənədi Azərbaycan Texnologiya Universitetinin rektor əvəzi, dosent Yaşar Ömərov da imzalayıb.
Daha sonra Patrick Siegfriedin “Ərzaq iqtisadiyyatında davamlı konseptlər” mövzusunda elmi seminarı keçirilib. Seminarda professor-müəllim heyətinin üzvləri, eləcə də magistr və doktorantlar iştirak edib, müvafiq sahənin aktual problemləri müzakirə olunub.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib