Bakı, 6 fevral, AZƏRTAC

Böyük Britaniyada səhiyyə işçiləri əməkhaqqının artırılması tələbi ilə miqyaslı tətilə başlayıb.
AZƏRTAC xəbər verir ki, dövlət tibb müəssisələrini əhatə edən tətilə on minlərlə tibb bacısı və təcili tibbi yardım işçisi qoşulub. Təcili tibbi yardıma ehtiyacı olanlara və xərçəng xəstələrinə xidmətlər davam edir, ikinci dərəcəli əməliyyatlar isə təxirə salınır.
İkigünlük tətilin təşkilatçısı - “Royal College of Nursing” həmkarlar ittifaqı etiraz aksiyasında milli səhiyyə xidmətinin 73 bölməsinin iştirak etdiyini bildirib.
Şotlandiya və Uelsin hakimiyyət orqanları əməkhaqqlarının artırılmasına razılıq verdiyi üçün orada tətil elan edilməyib.