Fransada pensiya islahatına qarşı tətil və etirazlar davam edir
Paris, 6 fevral, AZƏRTAC
Fransada ictimai nəqliyyat istifadəçiləri fevralın 7-də yenidən çətinliklə üzləşəcəklər. Ölkədə 8 əsas həmkarlar ittifaqı fevralın 7-də və 11-də pensiya islahatı əleyhinə tətil və etiraz nümayişlərinin davam etdiriləcəyini bildiriblər.
AZƏRTAC xəbər verir ki, artıq Fransa Milli Dəmir Yolları Şirkəti (SNCF) fevralın 7-də son dərəcə ağır bir gün olacağı barədə məlumat yayıb. Şirkət çərşənbə axşamı ölkədə bütün dəmir yolları nəqliyyat vasitələrinin tətil edəcəyini bildirib və sərnişinləri biletləri ləğv etməyə çağırıb. Həmçinin mülki aviasiya şirkətləri uçuşların ləğv olunacağını açıqlayıb.
Şəhərlərdə ictimai nəqliyyat vasitələrinin tətil edəcəyi və şəhərdaxili nəqliyyatın iflic vəziyyətində olacağı qeyd edilib.
Xatırladaq ki, Fransada həmkarlar ittifaqlarının çağırışı ilə müxtəlif peşə sahiblərinin hökumətin irəli sürdüyü pensiya islahatına qarşı tətil və etiraz nümayişləri yanvarın 19-dan başlayıb. Nümayişçilər hökumətin pensiya islahatı ilə bağlı dəyişiklik edəcəyinədək tətil və etirazları davam etdirəcəklərini bildirirlər.
Şəhla Ağalarova
AZƏRTAC-ın xüsusi müxbiri
Paris
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır