Avropa Komissiyasının rəhbəri Ukraynaya 2 GVt elektrik enerjisi tədarükünü elan edib
Bakı, 4 fevral, AZƏRTAC
Avropa İttifaqı (Aİ) Ukraynanın elektrik şəbəkələrini 2 GVt elektrik enerjisi ilə təchiz etməyi planlaşdırır.
AZƏRTAC xəbər verir ki, bunu Avropa Komissiyasının rəhbəri Ursula Fon der Lyayen Ukrayna-Aİ sammitinin yekunlarına dair brifinqdə deyib.
“Rekord müddətdə şəbəkələrimizi sürətlə birləşdirəndə, Aİ-yə elektrik enerjisi ixrac edən Ukrayna idi. İndi vəziyyət fərqlidir və Ukraynanın elektrik enerjisinə ehtiyacı var. Ona görə də biz sizə lazım olan 2 GVt-ı təmin edəcəyik”, - deyə o bildirib.
Bundan əlavə, Avropa Komissiyasının rəhbəri Ukraynanın bərpa üçün ayrılan ilk 1 milyard avronu tezliklə alacağını açıqlayıb.
Qeyd edək ki, bir gün əvvəl Kiyev Brüsselə Aİ ölkələrindən Ukraynaya elektrik enerjisi ixracı limitini 2 GVt-a çatdırmağı təklif edib. Bu, indiki həcmdən 4 dəfə çoxdur.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır