Avropa İttifaqı Ukraynanın təqdim etdiyi “sülh formulu”nu dəstəkləyib
Kiyev, 4 fevral, AZƏRTAC
Avropa İttifaqı Ukraynanın təqdim etdiyi “sülh formulu”nu və onun bəndlərinin həyata keçirilməsinə başlamaq üçün sammitin keçirilməsini dəstəkləyir.
AZƏRTAC xəbər verir ki, bu barədə Ukrayna-Avropa İttifaqı sammitinin yekunlarına dair rəsmi bəyanatda deyilir.
Sənəddə qeyd olunur ki, Aİ Ukraynanın ölkəmizin suverenliyinə və ərazi bütövlüyünə hörmətə əsaslanacaq ədalətli dünya təşəbbüsünü dəstəklədiyini təsdiqləyir. Eyni zamanda, Rusiya hələ də ədalətli və davamlı sülhə hər hansı hazırlığını nümayiş etdirməyib.
"Biz Ukrayna Prezidenti Volodimir Zelenskinin “sülh formulu”na dəstəyimizi və 10 bəndlik sülh planı üzrə Ukrayna ilə fəal əməkdaşlıq öhdəliyimizi ifadə etdik. Bu baxımdan, onun həyata keçirilməsinə başlamaq üçün “sülh formulu” sammiti ideyasını dəstəkləyirik", - deyə bəyanatda bildirilir.
Avropa İttifaqı ən geniş beynəlxalq iştirakçılığı təmin etmək üçün Ukrayna ilə əməkdaşlıq etməyi planlaşdırır.
Emil Hüseynli
AZƏRTAC-ın xüsusi müxbiri
Kiyev
Si Cinpin Serbiyada səfərdədir
“Airbus” apreldə müştərilərinə 61 təyyarə təhvil verib
İbtidai insanların qidası barədə yeni məlumatlar əldə edilib
Kakaonun qiymətinin kəskin azalmasının səbəbi məlum olub
Macarıstan XİN rəhbəri ölkəsinin Mərkəzi Asiya ilə əməkdaşlığa görə tənqidlərlə üzləşdiyini deyib