Bloomberg: Almaniya Rusiya enerji təchizatından asılılığı azaltmaq istəyir
Bakı, 31 yanvar, AZƏRTAC
Almaniya hökuməti Rusiyadan maye qazın idxalını məhdudlaşdırmaq üçün tədbirlər görmək niyyətindədir. Ölkə Rusiyanın enerji təchizatından asılılığı azaltmaq üçün əlavə səylər göstərir.
AZƏRTAC xəbər verir ki, bu barədə Bloomberg məlumat yayıb.
Məlumata görə, Almaniyanın energetika nazirinin müavini Patrik Qreyxen mühafizəkar deputatların bir sıra suallarına cavab olaraq qeyd edib ki, federal hökumət Rusiyadan maye qazın alınmasını dəstəkləmir. Hökumət bununla bağlı şirkətləri də məlumatlandırıb.
Qeyd olunub ki, gələcəkdə şirkətlərdən beş teravat/saatı keçən təbii qaz alışlarının mənşəyinin açıqlanması tələb olunacaq.
Ancaq Almaniya hökumətinin qazın alışı azalacağı halda, nə kimi tədbirlər görəcəyinə dair heç bir məlumat verilmir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır