Tbilisi, 23 yanvar, AZƏRTAC

Azərbaycan qonşu Gürcüstanın xarici ticarət tərəfdaşları arasında dördüncü yerdədir.
AZƏRTAC xəbər verir ki, bu barədə Gürcüstanın Milli Statistika Xidmətinin keçən ilin yekunlarına dair hesabatında məlumat verilib.
Bildirilir ki, 2022-ci ildə Gürcüstanın xarici ticarət dövriyyəsi 19 042,9 milyon ABŞ dollar həcmində olub.
Bunun da 5 592,8 milyon dollarını ixrac, 13,450,1 milyon dollarını isə idxal təşkil edib.
Hesabat dövründə Gürcüstanın xarici ticarətində 7857,2 milyon dollar həcmində mənfi saldo yaranıb.
Ölkənin xarici ticarət tərəfdaşları arasında Türkiyə, Rusiya, Çin və Azərbaycan əsas yerləri tuturlar.