“Xaçmaz” Elektrik Stansiyasında 4,89 milyard kilovat-saat elektrik enerjisi istehsal olunub
Bakı, 7 dekabr, AZƏRTAC
İstismara verildiyi tarixdən cari ilin dekabrın 1-dək “Xaçmaz” Elektrik Stansiyasında ümumilikdə 4,89 milyard kilovat-saat elektrik enerjisi istehsal olunub.
Energetika Nazirliyindən AZƏRTAC-a bildirilib ki, ümumi qoyuluş gücü 87 meqavat olan stansiya hər birinin gücü 8,7 meqavat olan 10 ədəd porşen tipli aqreqatdan ibarətdir.
Qeyd edək ki, modul tipli “Xaçmaz” Elektrik Stansiyası 2006-cı ilin dekabrın 7-də Xaçmaz şəhərində istismara verilib. 2020-ci ildə stansiyada 390 milyon kilovat-saat, 2021-ci ildə 360 milyon kilovat-saat elektrik enerjisi istehsal olunub. 2022-ci ilin 11 ayı üzrə elektrik enerjisi istehsalı 190 milyon kilovat-saat təşkil edib.
“Azərişıq”: Kəlbəcər Rəqəmsal İdarəetmə Mərkəzinin tikintisi davam edir
Macarıstan gələn il Türkiyədən qaz tədarükünə başlayacaq
Azərbaycanda elektrik enerjisi istehsalı artıb
Mingəçevirdə müstəqillik dövrünün ən böyük elektrik stansiyası tikilir
“Azərişıq” ASC Hacıqabulda yenidənqurma işlərini davam etdirir