Şəkidə Vətən müharibəsi şəhidlərinin ailə üzvləri və qazilər üçün tibbi aksiya keçirilib
Şəki, 26 noyabr, Mustafa Dadaşov, AZƏRTAC
Akademik C.Abdullayev adına Elmi-Tədqiqat Kardiologiya İnstitutu şəhid ailələrinin üzvləri və Vətən müharibəsi qaziləri üçün keçirilən tibbi aksiyaları davam etdirir. Növbəti aksiya noyabrın 26-da Şəki Rayon Mərkəzi Xəstəxanasında təşkil olunub.
Rayon mərkəzi xəstəxanasından AZƏRTAC-ın bölgə müxbirinə bildirilib ki, aksiyada Şəki və ətraf rayonlarda yaşayan və qeyd edilən həssas kateqoriyalardan olan 106 vətəndaş kardioloji, endokrinoloji və nevroloji müayinələrdən keçib. Müayinələrin nəticələrinə əsasən, xəstələrə müvafiq müalicələr təyin edilib, digər patologiya aşkar olunan şəxslər isə ixtisaslaşmış tibb müəssisələrinə yönləndirilib.
Vətəndaşlar onlara göstərilən tibbi xidmətdən məmnunluğunu ifadə edib, aksiyanın təşkilatçılarına minnətdarlıqlarını bildiriblər.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib