×
A
A
A
Sazlamalar

Hakan Yavuz: Ermənistan otuz il boyunca münaqişənin həlli istiqamətində heç bir iş görməyib

Bakı, 25 noyabr, AZƏRTAC

“Orta Dəhliz boyunca: geosiyasət, təhlükəsizlik və iqtisadiyyat” mövzusunda beynəlxalq konfransı çox gözəl keçdi. Prezident İlham Əliyev Qarabağla bağlı problemləri, Azərbaycanın Avropa və Asiya üçün körpü ola bilməsi üçün həm avtomobil, həm də dəmir yollarının önəmini vurğuladı. Ermənistan bu istiqamətdə Azərbaycanla əməkdaşlıq edərsə, onlar da bu ticarətdən yararlana bilərlər. Əgər Ermənistan tərəfi əməkdaşlıq etmək istəməsə, Azərbaycan nəqliyyat-tranzit layihələrini Gürcüstan və Türkiyə ilə həyata keçirəcək vəziyyətdədir.
Bu sözləri AZƏRTAC-a açıqlamasında Yuta Universitetinin professoru Hakan Yavuz söyləyib.
“Bundan əlavə, Paşinyan Avropada keçiriləcək görüşlərdə Fransa prezidenti Emmanuel Makronun da iştirak etməsini istəyib. Bu, sanki azyaşlı uşağın “atam da yanımda olsun” deməsi kimidir. Ermənistan otuz il boyunca münaqişənin həlli istiqamətində heç bir iş görməyib. Onlar hazırda eyni siyasət yürütmək istəyirlər”, - deyə professor qeyd edib.

Siyasət 2022-11-25 14:17:00