Sumqayıt, 24 noyabr, AZƏRTAC

Sumqayıt idmançıları daha bir beynəlxalq yarışda fərqləniblər.
Şəhər Gənclər və İdman Baş İdarəsindən AZƏRTAC-ın bölgə müxbirinə bildirilib ki, Türkiyənin Edirnə şəhərində keçirilən cüdo üzrə beynəlxalq turnirdə iştirak edən Sumqayıt idmançıları növbəti uğura imza atıblar.
Gərgin mübarizə şəraitində keçən turnirdə idmançılaımızdan Fərrux Mehdiyev (60 kq) gümüş, Süleyman Şükürov (73 kq) və Sabir Əliyev (66 kq) bürünc medallara sahib olublar.
Qeyd edək ki, idmançıların məşqçiləri Fərid Ağakişiyev və Pərviz Baratovdur.