Ağdam şəhərindəki Şəhidlər xiyabanı ziyarət olunub
Ağdam, 20 noyabr, Tahir Ağaməmmədov, AZƏRTAC
Ağdamın işğaldan azad olunmasının ikinci ildönümü münasibətilə şəhərdəki Şəhidlər xiyabanı ziyarət olunub.
AZƏRTAC-ın bölgə müxbiri xəbər verir ki, Qarabağ iqtisadi rayonuna daxil olan işğaldan azad edilmiş ərazilərdə (Şuşa rayonu istisna olmaqla) Azərbaycan Respublikası Prezidentinin xüsusi nümayəndəsi Emin Hüseynov və nümayəndəliyin əməkdaşları, “Qarabağ İqtisadi Rayonunda Bərpa, Tikinti və İdarəetmə Xidməti” publik hüquqi şəxsin icraçı direktoru və qurumun nümayəndələri, hərbçilər, şəhid ailələri, hüquq-mühafizə orqanlarının nümayəndələri, Ağdam ərazisində çalışan şirkət və qurumların işçiləri, həmçinin Ağdam könüllüləri olan bir qrup gənc şəhidlərin məzarlarını ziyarət edib, üzərinə gül dəstələri düzüblər. Şəhidlərin xatirəsi əks olunan lövhə önünə gül çələngi qoyulub.
Ağdamın işğaldan azad edilməsinin ikinci ildönümü ilə əlaqədar Ağdam Konfrans Mərkəzində rəsmi tədbir və konsert proqramı olacaq.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib