Bakı, 15 noyabr, AZƏRTAC

Qida Təhlükəsizliyi İnstitutu qida təhlükəsizliyi, baytarlıq və fitosanitar sahələrdə çalışmaq istəyən, müvafiq ixtisasa yiyələnmiş və ya beynəlxalq sertifikatı olan ali təhsilli mütəxəssisləri əməkdaşlığa dəvət edir.
İnstitutdan AZƏRTAC-a bildiriblər ki, işə qəbulla bağlı 2022-ci il noyabrın 26-da saat 10:00-da Qida Təhlükəsizliyi Agentliyinin Xaçmaz regional bölməsinin inzibati binasında (ünvan: Xaçmaz şəhəri, Rauf Babayev 7) namizədlərlə görüşün keçirilməsi nəzərdə tutulur.
Xaçmaz, Quba, Qusar, Siyəzən və Şabran rayonlarında yaşayan qida məhsulları mühəndisliyi, istehlak mallarının ekspertizası və marketinqi, metrologiya, standartlaşdırma və sertifikasiya mühəndisliyi, aqronomluq, baytarlıq, balıqçılıq və balıqçılıq təsərrüfatı işi, zootexniklik, bitki mühafizəsi, tibbi profilaktika, kimya, biologiya, aqrokimya və torpaqşünaslıq ixtisasları üzrə təhsil almış şəxslər Qida Təhlükəsizliyi Agentliyi mütəxəssislərinin iştirakı ilə keçiriləcək görüşdə iştirak edə bilərlər.
Görüşdə iştirak edəcək namizədlərdən özləri barədə məlumatların əks olunduğu anket formasını (CV) gətirmək xahiş olunur.