Doqquz ayda Energetika Nazirliyi və tabeli qurumlara 4986 müraciət daxil olub
Bakı, 19 oktyabr, AZƏRTAC
Cari ilin 9 ayı ərzində Energetika Nazirliyinə və tabeliyində olan qurumlara 4986 vətəndaş müraciəti daxil olub.
Nazirlikdən AZƏRTAC-a bildirilib ki, bu müraciətlərdən 4223-ü müvafiq qaydada icra olunub, 332-si icradadır. 431 müraciət isə məlumat xarakterlidir.
Müraciətlər əsasən elektrik enerjisi və qaz təchizatı, elektrik avadanlıqlarının vəziyyəti, borc və cərimələr, sayğaclaşma, bərpaolunan enerji, təşəkkür və digər mövzularla bağlı olub.
Hesabat dövründə Nazirlik və tabeli qurumların rəhbər vəzifəli şəxsləri tərəfindən 166 vətəndaş qəbul edilib və müraciətlərdə qaldırılan məsələlərin qanunvericiliyin tələblərinə uyğun həll edilməsi üçün müvafiq tapşırıqlar verilib.
Bu dövrdə nazirliyin sosial şəbəkə hesabları vasitəsilə 76 müraciət daxil olub ki, bunlar aidiyyəti üzrə yönləndirilib, sorğu tipli müraciətlər isə birbaşa və ya müvafiq struktur bölmələrin rəyləri əsasında cavablandırılıb.
“Azərişıq”: Kəlbəcər Rəqəmsal İdarəetmə Mərkəzinin tikintisi davam edir
Macarıstan gələn il Türkiyədən qaz tədarükünə başlayacaq
Azərbaycanda elektrik enerjisi istehsalı artıb
Mingəçevirdə müstəqillik dövrünün ən böyük elektrik stansiyası tikilir
“Azərişıq” ASC Hacıqabulda yenidənqurma işlərini davam etdirir