Türkiyə komandası Ümumdünya Şahmat Olimpiadasında liderliyini qoruyur
Naxçıvan, 7 oktyabr, AZƏRTAC
On altı yaşadək yeniyetmələr arasında Ümumdünya Şahmat Olimpiadasında 6-cı turun oyunları başa çatıb.
AZƏRTAC-ın Naxçıvan bürosu xəbər verir ki, “Azərbaycan-Naxçıvan” komandası bu turda Banqladeş yığması ilə üz-üzə gəlib. Fərdi görüşlərin heç birində məğlub olmayan və yalnız 1-ci turda heç-heçə edən Hüseyn Seyid rəqibi Ferdusi Yannatulla oyunda da qələbəni bayram edib. Rza Həsənli Reja Manonla, Zərifə Abbasova isə Haq Sajidulla oyunda ağ-qara masanı məğlub tərk ediblər. Sadiq Abbasov Sadcid Mustafa Saklinlə görüşdə qalib gələ bilməyib və komandamız 1:3 hesabı ilə məğlub olub.
Ötən turu bir xalla başa vuran “Azərbaycan-1” komandası “Azərbaycan-4” komandası ilə görüşdə rəqibinə heç bir şans tanımayıb – 3:1. “Azərbaycan-3” komandası isə “CAR-1” komandası ilə görüşdə yalnız yarım xal toplaya bilib. Digər 3 görüşdə qalib gələn Afrika təmsilçisi ağ-qara taxtanı 3,5:0,5 hesablı qələbə ilə tərk edib. Latviya yığması ilə görüşdə “Azərbaycan-Sumqayıt” komandası məğlubiyyət acısı dadıb – 1,5:2,5. 10-cu masada Malayziya yığması ilə üz-üzə gələn “Azərbaycan-2” komandası qələbə qazanıb – 2,5:1,5.
Bu tur azarkeşlər iki lider komandanın görüşünü izləyib. “Türkiyə-Red” komandası Kuba yığması ilə qarşılaşıb. Çətin keçən oyunda qardaş ölkənin komandası qələbə qazanıb və liderliyini möhkəmlədib – 3:1.
“İran” komandası 6-cı turda “Qazaxıstan” komandası ilə üz-üzə gəlib. Son oyunda iranlıların ən reytinqli şahmatçısı Bardiya Daneşvarın Daniel Sapenov üzərində qalibiyyəti komandasına qələbə qazandırıb – 3:1. Heç kimin gözləmədiyi halda “Türkiyə-Anatolia” komandası “Özbəkistan-1” komandası ilə oyunda məğlub olub – 3,5:0,5. Hindistan yığması isə Monqolustan millisi ilə görüşün əvvəlində əldə etdiyi üstünlüyü sonadək davam etdirib və qalib gəlib – 3:1.
6-cı turda keçirilən digər qarşılaşmalarda aşağıdakı nəticələr qeydə alınıb:
Qırğızıstan – Meksika – 2,5:1,5;
“Özbəkistan-2” – “Türkiyə-White” – 3,5:0,5;
Moldova – Şri-Lanka – 1,5:2,5;
“Gürcüstan-1” – İngiltərə - 4:0;
“CAR-2” – Kanada – 0,5:3,5;
Panama – Livan – 2,5:1,5;
Honqkonq – Gürcüstan-2 – 3:1;
Misir – “CAR-3” – 1,5:2,5.
Hazırda turnir cədvəlinə “Türkiyə-Red” komandası 12 xalla başçılıq edir.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib