Valentina Matviyenko Ukrayna parlamentinin nümayəndələrinə danışıqlar aparmağı təklif edib
Moskva, 6 oktyabr, AZƏRTAC
Rusiya Federasiya Şurasının sədri Valentina Matviyenko Ukrayna parlament nümayəndə heyətini danışıqlar masası arxasına dəvət edib.
AZƏRTAC xəbər verir ki, “Böyük iyirmilik” ölkələrinin parlament sədrlərinin Cakartada keçirilən 8-ci Sammitində iştirak edən Rusiya Federasiya Şurasının sədri Valentina Matviyenko Ukrayna parlamentinin nümayəndə heyətini danışıqlar aparmağa çağırıb. “Gəlin elə bu gün, parlament “iyirmiliyi” çərçivəsində danışıqlar masası arxasına oturaq, gəlin bir-birimizi anlamağa, razılığa gəlməyə çalışaq”, - deyə o bildirib.
Federasiya Şurasının sədri Rusiyanın ukraynadaxili böhranın nizama salınmasına dair danışıqlara hazır olduğunu və bu böhranın sülh yolu ilə siyasi vasitələrlə həllinə tərəfdar olduğunu qeyd edib.
Eyni zamanda, V.Matviyenko vurğulayıb ki, Rusiyanın tərkibinə daxil edilmiş ərazilər danışıqlar mövzusu ola bilməz.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır