Azərbaycan Premyer Liqası: “Qarabağ” “Neftçi”yə qalib gəlib
Bakı, 1 oktyabr, AZƏRTAC
Futbol üzrə Azərbaycan Premyer Liqasında VIII turun növbəti qarşılaşması keçirilib.
AZƏRTAC xəbər verir ki, Azərbaycan derbisində Ağdamın “Qarabağ” klubu “Azərsun Arena”da “Neftçi”ni qəbul edib.
Görüş ev sahiblərinin 3:1 hesablı qələbəsi ilə yekunlaşıb. “Qarabağ”ın heyətində Kadi Borges (57), Abdullah Zubir (68) və Kvabena Ovusu (74) fərqləniblər. “Ağ-qaralar”ın yeganə qolunu isə Eddi İsrafilov (24) vurub.
“Qarabağ” bu qələbə ilə vahid liderliyə yüksəlib. “Neftçi” isə 18 xalla ikinci yerdə qərarlaşıb.
Bu gün, həmçinin Tovuz şəhər stadionunda "Zirə" komandası "Turan Tovuz"a 3:1 hesabı ilə qalib gəlib.
Görüşdə hesabı meydan sahibləri açıb. Natan Oduva 26-cı dəqiqədə fərqlənib. "Zirə"nin qollarını isə Coşqun Diniyev (33) və Hamidu Keyta (40, 47) vurublar.
Qeyd edək ki, turun açılış oyununda "Qəbələ" səfərdə "Səbail"ə 2:1 hesabı ilə qalib gəlib. Tura oktyabrın 2-də oynanılacaq "Şamaxı" - "Sabah" və "Sumqayıt" - "Kəpəz" matçları ilə yekun vurulacaq.
Tanınmış hakim Çempionlar Liqasının oyunundan sonra ağlayıb
Olimpiya çempionu: Bakının dünyanın “İdman paytaxtı” seçilməsi böyük uğurdur
“Araz-Naxçıvan”ın futzalçısı: 15 ildən sonra qazanılan kubok çox dəyərlidir
Çexiyalı atıcı Bakıda həm qızıl medal qazanıb, həm də rekorda imza atıb VİDEO
Fikrət Hüseynov: Artıq Azərbaycanda qış idman növlərinin inkişafı üçün işlər aparılır