Qəbələ, 28 sentyabr, Mustafa Dadaşov, AZƏRTAC

Qəbələ rayonunun yaşayış məntəqələrində həyata keçirilən abadlıq işləri çərçivəsində qəsəbə və kənddaxili yolların asfaltlaşdırılması işləri davam etdirilir. Rayonun Vəndam bələdiyyəsi tərəfindən qəsəbə daxilində 1 kilometr uzunluğunda küçəyə yeni asfalt örtüyü çəkilib.
Bu barədə AZƏRTAC-ın bölgə müxbirinə Qəbələ Rayon İcra Hakimiyyətindən məlumat verilib.
Bildirilib ki, Qəbələ şəhərinin yol-nəqliyyat infrastrukturunun təkmilləşdirilməsi istiqamətində həyata keçirilən kompleks tədbirlər çərçivəsində şəhərdaxili küçələrin asfaltlaşdırılması işləri də davam etdirilir. Hazırda Qəbələ bələdiyyəsi tərəfindən Həsən Əliyev küçəsinə asfalt örtüyü çəkilir.