Ankara, 27 sentyabr, AZƏRTAC

Mersin vilayətinin Mezitli rayonunun Deniz məhəlləsində sentyabrın 26-da Türkiyə vaxtı ilə 22.42 radələrində Polis Evini mühafizə edən polis əməkdaşlarına silahlı hücum etməklə terror törədən qadınlardan birinin şəxsiyyəti müəyyən olunub.
AZƏRTAC xəbər verir ki, bu barədə Türkiyənin Daxili İşlər Nazirliyi məlumat yayıb.
Bildirilir ki, "Zozan Tolan" ləqəbli Dilşah Ercan PKK/KCK terror təşkilatlarının üzvüdür. O, 2013-cü ildə Mersində terrorçulara qoşulub və İraqın şimalında Qəndil bölgəsindəki terror düşərgələrində təlim keçib.
Sabir Şahtaxtı
AZƏRTAC-ın xüsusi müxbiri
Ankara