Tehran, 25 sentyabr, AZƏRTAC
Bu gün səhər saatlarında İran silahlı qüvvələrinin quru qoşunları İraqın şimal regionlarını artilleriya atəşinə tutub.
AZƏRTAC xəbər verir ki, İran İslam İnqilabı Keşikçiləri Korpusunun (Sepah) məlumatına əsasən, İraqın şimalında cəmləşən terrorçu qruplaşmaların mövqeləri və qərargahları bombardman edilib.
Artilleriya atəşinin nəticələri barədə hələlik məlumat verilmir. İranın rəsmi mediası bildirir ki, bu barədə Sepahın bəyanatla çıxış edəcəyi gözlənilir.

Rabil Kətanov
AZƏRTAC-ın xüsusi müxbiri
Tehran