Qazaxıstan və Vyetnam bankları “Mir” kartlarını qəbul etməyi dayandırıb
Bakı, 21 sentyabr, AZƏRTAC
Qazaxıstan və Vyetnam bankları Rusiyaya məxsus “Mir” ödəniş sisteminin kartlarını qəbul etməyi dayandırıb.
AZƏRTAC “İzvestiya” qəzetinə istinadla xəbər verir ki, Vyetnamın BIDV bankı kredit təşkilatının “Visa”, “Mastercard”, “Western Union”, JCB, “UnionPay” kartlarına xidmət göstərdiyini, “Mir” ödəniş sisteminin isə artıq bu siyahıda olmadığını bildirib.
Qazaxıstan Xalq Bankı da bundan sonra “Mir” kartlarını qəbul etməyəcək. Bank nümayəndəsinin sözlərinə görə, Rusiya kartlarına nə terminallar, nə də bankomatlar vasitəsilə xidmət göstərilmir.
Qeyd edək ki, bir müddət öncə Türkiyənin “İş Bankı” və “DenizBank” bankları ABŞ Maliyyə Nazirliyinin Xarici Aktivlərə Nəzarət İdarəsinin xəbərdarlığını nəzərə alaraq “Mir” kartlarının qəbulunu dayandırdığını elan etmişdi.
Sentyabrın əvvəlinə olan məlumata əsasən, “Mir” kartları doqquz ölkədə -Türkiyə, Vyetnam, Cənubi Koreya, Ermənistan, Özbəkistan, Belarus, Qazaxıstan, Qırğızıstan və Tacikistanda qəbul edilirdi. Eyni zamanda, İran, Kuba, Misir və Venesuela ilə kartların qəbulu imkanları nəzərdən keçirilirdi.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır