Suriyada yayılan vəba xəstəliyi nəticəsində 7 nəfər vəfat edib
Qahirə, 14 sentyabr, AZƏRTAC
Suriyanın vətəndaş müharibəsi nəticəsində viran qalmış və su-kanalizasiya sistemi olmayan Hələb şəhərində vəba xəstəliyinin yayılması nəticəsində 7 nəfərin vəfat etdiyi bildirilir.
AZƏRTAC rəsmi SANA agentliyinə istinadla xəbər verir ki, bu barədə Suriyanın Səhiyyə Nazirliyi məlumat yayıb. Nazirlik qeyd edib ki, Hələblə yanaşı, ölkənin 14 vilayətində 60-a yaxın vəba xəstəsi var. Bu, son onillikdən sonra bu virusa ən çox yoluxma halıdır.
Vəba xəstəliyinin törədicisi çirklənmiş su və qida məhsullarıdır. Bu virusa yoluxanlarda ishal və qusma halları müşahidə olunur. Ümumdünya Səhiyyə Təşkilatı da bu yaxınlarda Suriyada vəba xəstəliyinin yayılacağı barədə xəbərdarlıq etmişdi. Bu ölkədə su-kanalizasiya sistemlərinin 70 faizinin sıradan çıxdığı bildirilir.
Oqtay Bayramov
AZƏRTAC-ın xüsusi müxbiri
Qahirə
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır