Bakı, 14 sentyabr, AZƏRTAC

Rusiyanın cənubunda və mərkəzi hissəsində yerləşən 11 aeroportda uçuş məhdudiyyətləri daha bir həftə uzadılıb.
AZƏRTAC xəbər verir ki, bu barədə TASS agentliyi Rusiya Federal Hava Nəqliyyatı Agentliyinə istinadla məlumat yayıb. “Rusiyanın cənub və mərkəzi hissəsindəki 11 aeroportda uçuşlara qoyulan məhdudiyyət rejimi 2022-ci il sentyabrın 22-dək uzadılıb”, - deyə məlumatda bildirilir.
Qeyd olunur ki, məhdudiyyət rejimi Anapa, Belqorod, Bryansk, Voronej, Gəlincik, Krasnodar, Kursk, Lipetsk, Rostov, Simferopol və Elista hava limanlarına aiddir.
Xatırladaq ki, Rusiya Ukraynada apardığı müharibə ilə əlaqədar 2022-ci il fevralın 24-dən etibarən ölkənin cənubunda və mərkəzində hava məkanının bir hissəsini mülki təyyarələr üçün bağlayıb.