Litva Aİ-ni rusiyalılara verilmiş turist vizalarını ləğv etməyə çağırır
Bakı, 19 avqust, AZƏRTAC
Avropa İttifaqı ölkələri vaxtilə Rusiya vətəndaşlarına verilmiş uzunmüddətli turistik şengen vizalarını yubanmadan ləğv etməlidir.
AZƏRTAC xəbər verir ki, Litvanın xarici işlər naziri Qabrielus Landsbergis bu fikri Politico nəşrində dərc olunmuş şərhində bildirib.
“Biz vizanı daha effektiv qadağan etmək üçün ümumi səmərəli həll yolları tapmalıyıq. İndiki məqamdan başlayaraq, Rusiya və Belarusdan olan turistlərə aydın surətdə “yox” demək lazımdır... Bunun əvəzində, Avropaya tətilə gələnlər deyil, sığınacaq lazım olanlar qəbul edilməlidir”, - deyə o vurğulayıb. Nazir əvvəllər verilmiş uzunmüddətli vizaları azı Rusiyanın Ukraynaya qarşı müharibəni davam etdirdiyı müddətdə ləğv etmək təklifini irəli sürüb.
Diplomat, həmçinin hesab edir ki, bu məsələ hazırda viza verən Aİ ölkələri ilə onu dayandıranlar arasında parçalanmaya səbəb ola bilər.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır