Nur-Sultanda Azərbaycan-Qazaxıstan Ekspert Şurasının ilk iclası keçiriləcək
Bakı, 18 avqust, AZƏRTAC
Avqustun 19-da Qazaxıstanın paytaxtı Nur-Sultan şəhərində Azərbaycan-Qazaxıstan Ekspert Şurasının ilk iclası keçiriləcək.
Beynəlxalq Münasibətlərin Təhlili Mərkəzindən AZƏRTAC-a bildirilib ki, tədbir Qazaxıstan Respublikasının Prezidenti yanında Strateji Araşdırmalar İnstitutu və Beynəlxalq Münasibətlərin Təhlili Mərkəzinin(BMTM) birgə təşkilatçılığı ilə hibrid formada təşkil olunacaq.
İclas zamanı ikitərəfli əlaqələrin və regional əməkdaşlığın müxtəlif istiqamətləri ətrafında müzakirələrin aparılması nəzərdə tutulub.
Tədbirdə Beynəlxalq Münasibətlərin Təhlili Mərkəzinin İdarə Heyətinin sədri Fərid Şəfiyev və mərkəzin aparıcı məsləhətçisi Nağı Əhmədov iştirak edəcəklər.
Şarl Mişel: Azərbaycanla Ermənistan arasında əldə olunmuş razılaşmanı alqışlayırıq
“Qazaxın 4 kəndinin danışıqlar yolu ilə azad edilməsi böyük həqiqətin növbəti təzahürüdür” - RƏY
İsveçin xarici işlər naziri Qazaxın kəndlərinin Azərbaycana qaytarılması ilə bağlı paylaşım edib