Sarayevo, 17 avqust, AZƏRTAC

Bosniya və Herseqovinada iki inzibati vahiddən biri olan Serb Respublikasında həyata keçirilən əməliyyatda 73 kiloqram narkotik vasitə - kokain müsadirə edilib.
AZƏRTAC xəbər verir ki, Bosniya və Herseqovina Prokurorluğunun məlumatına görə, ölkənin şimalındakı Doboy şəhərində keçirilən əməliyyatda müsadirə edilən narkotik vasitənin miqdarının Bosniya və Herseqovinada müharibədən sonra ələ keçirilən ən yüksək miqdarlardan biri olduğu bildirilib.
Əməliyyat Avropa İttifaqının polis xidməti “Europol” və digər müvafiq qurumlar ilə birgə həyata keçirilib.
Nihad Budaqov
AZƏRTAC-ın xüsusi müxbiri
Sarayevo