Kürdəmirdə baş verən avtomobil qəzasında 3 nəfər xəsarət alıb VİDEO
Kürdəmir, 12 avqust, AZƏRTAC
Kürdəmir rayonu ərazisində avtomobil aşıb, 3 nəfər xəsarət alıb.
AZƏRTAC-ın bölgə müxbiri xəbər verir ki, hadisə Bakı-Qazax magistral yolunun rayonun Xırdapay kəndi ərazisindən keçən hissəsində baş verib. Belə ki, Gəncə şəhər sakini, 29 yaşlı Bəxtiyar Zaur oğlu Əhmədovun idarə etdiyi "Hyundai" markalı avtomobillə yolda hərəkətdə olarkən idarəetməni itirərək aşıb. Nəticədə, sürücü və avtomobildə olan iki sərnişin - Gəncə şəhər sakinləri - 28 yaşlı Səbinə Vaqif qızı Əhmədova və 60 yaşlı Yeganə Məmməd qızı Məmmədova müxtəlif dərəcəli bədən xəsarətləri alıblar. Yaralılar dərhal təcili tibbi yardım maşınının köməyi ilə Kürdəmir rayon Mərkəzi Xəstəxanasına aparılıblar.
Hadisənin başvermə səbəbləri araşdırılır.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib