Naxçıvanda qanvermə aksiyası keçirilib
Naxçıvan, 9 avqust, AZƏRTAC
Naxçıvan Muxtar Respublikasında könüllü qanvermə aksiyası keçirilib.
Muxtar respublikanın Səhiyyə Nazirliyinin mətbuat xidmətindən AZƏRTAC-ın Naxçıvan bürosuna bildirilib ki, Aşura günündə ənənəvi olaraq keçirilən qanvermə aksiyası ötən il olduğu kimi, bu il də pandemiya səbəbindən məscidlərdə deyil, muxtar respublikanın səhiyyə müəssisələrində təşkil olunub.
Aksiya zamanı sosial məsafə gözlənilməklə sanitar-gigiyena qaydalarına ciddi əməl edilib, bütün zəruri tədbirlər həyata keçirilib. Həkim briqadaları əvvəlcə koronavirus, arterial təzyiq, hepatit, QİÇS və digər yoluxucu xəstəliklərin müəyyən edilməsi üçün donorları müayinə edib, sonra müvafiq qan qruplarına uyğun qan götürülüb. Aksiyada, ümumilikdə, 590 nəfərdən götürülən 294 litr qan qrupları müəyyənləşdirilərək Naxçıvan Muxtar Respublika Xəstəxanasının və Diaqnostika-Müalicə Mərkəzinin Qan banklarına təhvil verilib.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib