Aleksandr Novak Rusiya və Türkiyə liderlərinin danışıqlarının yekunları barədə məlumat verib
Moskva, 5 avqust, AZƏRTAC
Türkiyə Rusiya qazının bir hissəsinin dəyərini rublla ödəyəcək.
AZƏRTAC xəbər verir ki, Rusiya Baş nazirinin müavini Aleksandr Novak jurnalistlərə məlumat verib. Onun sözlərinə görə, iki ölkə prezidenti bu barədə razılığa gəlib.
Bundan əlavə, liderlər Ukrayna taxılı və Rusiya ərzağının ixracına dair İstanbul sazişinin yerinə yetirilməsinin vacibliyini vurğulayıblar. Görüşdə energetika sahəsində əməkdaşlıq məsələləri, o cümlədən “Türk axını” borusu ilə əlaqədar məsələlər müzakirə olunub. A.Novak bildirib ki, “Akkuyu” AES-in 2023-cü ildə istismara verilməsinin əhəmiyyəti diqqətə çatdırılıb.
A.Novakın sözlərinə görə, Soçi görüşündə maliyyə və bank sahəsində də razılıq əldə edilib.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır