Moskva, 5 avqust, AZƏRTAC

Soçidə Rusiya və Türkiyə prezidentləri Vladimir Putin və Rəcəb Tayyib Ərdoğan arasında görüş başlayıb.
AZƏRTAC xəbər verir ki, görüş zamanı Rusiya Prezidenti türkiyəli həmkarına Ukrayna taxılının limanlardan daşınması və Rusiya ərzaq məhsullarının ixracına dair İstanbul sazişinin imzalanmasında səylərinə görə təşəkkür edib.
Rusiya Prezidenti ümidvar olduğunu bildirib ki, danışıqların nəticələrinə görə ticarət-iqtisadi əlaqələrin inkişafına dair memorandum imzalamaq mümkün olacaq. V.Putin, həmçinin “Türk axını” boru kəmərinin fasiləsiz işlədiyini, Avropanın Rusiya qazı ilə təminatında mühüm marşrut olduğunu vurğulayıb. Tərəflər Suriyada vəziyyətlə bağlı məsələləri də müzakirə edəcəklər.
Fəridə Abdullayeva
AZƏRTAC-ın xüsusi müxbiri
Moskva