Sumqayıtda Aşura günü könüllü qanvermə aksiyası təşkil olunacaq
Sumqayıt, 3 avqust, Ətrabə Rzayeva, AZƏRTAC
Son illər Məhərrəm ayında Qafqaz Müsəlmanları İdarəsinin təşəbbüsü ilə gerçəkləşən və xalqımız tərəfindən təqdir edilən tibbi ehtiyaclar üçün Kərbəla şəhidlərinin xatirəsinə qan verilməsi ən münasib nümunələrdən biridir. Ölkənin bir çox yerlərində olduğu kimi, Sumqayıt şəhərində də Aşura günündə qanvermə aksiyası keçiriləcək.
AZƏRTAC xəbər verir ki, Qafqaz Müsəlmanları İdarəsinin verdiyi məlumata görə, qanvermə aksiyası avqustun 8-də Məhərrəmlik ayının onuncu günü olan Aşura günündə Mərkəzi Qan Bankının (MQB) Sumqayıt bölməsində təşkil ediləcək. Könüllü qan vermək istəyənlər Sumqayıt şəhəri, 9-cu məhəllə, M.Hüseynzadə küçəsi, Təcili Tibbi Yardım Xəstəxanası, 1-ci korpusun 1-ci mərtəbəsində yerləşən MQB şəhər bölməsinə yaxınlaşa bilərlər.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib