Zaqatalada Vətən müharibəsi şəhidinin ailəsi ziyarət olunub
Zaqatala, 2 avqust, Mustafa Dadaşov, AZƏRTAC
Torpaqlarımızın erməni işğalçılarından azad edilməsi uğrunda gedən döyüşlərdə şəhidlik zirvəsinə ucalan qəhrəman Vətən oğullarının əziz xatirəsi Zaqatala rayonunda da daim ehtiramla anılır. Rayon Mərkəzləşdirilmiş Kitabxana Sisteminin (MKS) kollektivi torpaqlarımızın ərazi bütövlüyü uğrunda aparılan döyüşlərdə şəhidlik zirvəsinə ucalan qəhrəman Vətən oğullarının ailələrini, eləcə də döyüşlər zamanı yaralanan qaziləri mütəmadi olaraq evlərində ziyarət edir, onlara mənəvi dəstək olurlar.
Rayon MKS-dən AZƏRTAC-ın bölgə müxbirinə bildirilib ki, Üçüncü Tala, Meşleş, Çüdülübinə, Yuxarı Tala kənd kitabxana filiallarının əməkdaşları Vətən Müharibəsi Qəhrəmanı, şəhid mayor Şixamir Qaflanovun ailəsini ziyarət ediblər.
Görüşdə şəhidin anası Mominət xanım Şixamir Qaflanov haqqında xatirələrini bölüşüb, oğlunun yoxluğunun ağır olduğunu, lakin onunla qürur duyduğunu, fəxr etdiyini bildirib.
Şəhidin ailə üzvləri onları daim diqqətdə saxladıqlarına görə kitabxanaçılara təşəkkür ediblər. Qonaqlar şəhidin qızı Mədinəni doğum günü münasibətilə təbrik ediblər.
Kitabxanaçılar daha sonra şəhidin Üçüncü Tala kənd qəbiristanlığındakı məzarını ziyarət ediblər.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib