Avropada qazın qiyməti 1900 dolları ötüb
Bakı, 26 iyul, AZƏRTAC
Avropada iyulun 26-da keçirilən hərracın gedişində min kubmetr qazın qiyməti 3 faizdən çox bahalaşaraq 1900 dolları ötüb.
AZƏRTAC xəbər verir ki, Londonun ICE birjasının məlumatına görə, hazırda Niderlanddakı TTF habında min kubmetr qazın avqust fyuçersinin qiyməti 1929 dollardır. “Şimal axını” boru kəməri ətrafında yaranan vəziyyət fonunda təbii qazın qiyməti iyulun 14-dən bəri ilk dəfə bu həddə yüksəlib.
Bu ərəfədə “Qazprom” kompaniyası “Portovaya” kompressor stansiyasında təmirlər arası müddətin başa çatması səbəbindən daha bir qaz-turbin mühərrikinin işinin dayandırılması ilə bağlı bəyanat verib. Nəticədə iyulun 27-dən “Şimal axını” ilə qaz nəqli təxminən iki dəfə azalaraq 33 milyon kubmetrə enəcək. Hazırda həmin göstərici 67 milyon kubmetrdir.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır