“Aere” tufanı Yaponiyanın cənub adalarına yaxınlaşır
Tokio, 1 iyul, AZƏRTAC
Sakit okeanda əmələ gələn “Aere” tufanı Yaponiyanın cənub-qərb ərazilərinə doğru hərəkət edir.
AZƏRTAC xəbər verir ki, bu barədə iyulun 1-də Yaponiya Meteorologiya Agentliyi məlumat yayıb. Mərkəzi hissəsində küləyin sürətinin saniyədə 18 metrə çatdığı tufanın hazırda Filippin dənizində olduğu qeyd edilir.
Bildirilir ki, iyulun 3-də tufanın Yaponiyanın Okinava adalarına yaxınlaşacağı gözlənilir. Bundan sonra onun şimal-qərb istiqamətində hərəkət edəcəyi, Kyuşü adasının və Yaponiyanın digər ərazilərinin cənub-qərbindən keçəcəyi proqnozlaşdırılır.
Bununla əlaqədar yapon meteoroloqlar qeyd edilən ərazilərdə leysan yağışlar, güclü külək və böyük dalğaların olacağı barədə xəbərdarlıq ediblər.
Vüqar Ağayev
AZƏRTAC-ın xüsusi müxbiri
Tokio
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır