Kiyev, 23 iyun, AZƏRTAC
Ukraynada daha bir siyasi partiyanın fəaliyyətinə xitam verilib.
AZƏRTAC xəbər verir ki, Səkkizinci İnzibati Apellyasiya Məhkəməsi Ukraynada “Tərəqqi Sosialist” partiyasının fəaliyyətini qadağan edib.
Qərara əsasən siyasi partiyanın bütün əmlakı dövlətin mülkiyyətinə keçəcək. Məhkəmə Ukrayna Ədliyyə Nazirliyinin iddiaları əsasında qərar çıxarıb.
Qeyd edək ki, bundan öncə Səkkizinci İnzibati Məhkəməsi 10 siyasi partiyanın fəaliyyətini qadağan edib.
Məhkəmənin müvafiq qərarları ilə “Sol Müxalifət”, “Şariynin Partiyası”, “Müxalifət Bloku”, “Sosialist”, “Naşi”, “Sosialistlər”, “Vladimir Saldo” bloku, “Derjava”, “Ədalət və İnkişaf” və “Müxalifət platforması - Həyat uğrunda” partiyalarının fəaliyyəti qadağan olunub.
Emil Hüseynli
AZƏRTAC-ın xüsusi müxbiri
Kiyev