Bərdədə yaradıcı insanlarla görüş keçirilib
Bərdə, 23 iyun, AZƏRTAC
Bərdə rayon Heydər Əliyev Parkında yaradıcı gənclərin yerli şairlərlə görüşü təşkil olunub. Görüşdə Bərdə Regional Mədəniyyət İdarəsinin, Gənclər və İdman İdarəsinin əməkdaşları, Gənclərin İnkişaf və Karyera Mərkəzinin, Bərdə Regional “ASAN xidmət” Mərkəzinin könüllüləri, mədəniyyət işçiləri və gənclər iştirak ediblər.
AZƏRTAC-ın bölgə müxbiri xəbər verir ki, tədbirdə çıxış edən Bərdə Regional Mədəniyyət İdarəsinin rəisi Vəsilə Möhsümova bu cür görüşlərin gənclərin bədii ədəbiyyata marağının artırılmasına, şairlərlə oxucuların ünsiyyətinin daha da sıxlaşdırılmasına xidmət etdiyini bildirib.
Görüş zamanı bərdəli şairlər Nofəl Sadiq, Bəxtiyar Akifoğlu, Nadir Qədimli, Aqşin Hacızadə ilə oxucular arasında diskussiya aparılıb. Şairlər tədbir iştirakçılarını maraqlandıran sualları cavablandırıb, onlara bədii ədəbiyyat oxumağı, çoxlu mütaliə etməyi tövsiyə ediblər.
Tədbirdə yaradıcı gənclərin hazırladıqları əl işləri, rəsm əsərləri nümayiş olunub və gənc ifaçıların musiqi nömrələri dinlənilib.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib