Rusiyada müqavilə ilə hərbi xidmət üçün yuxarı yaş həddi artırılıb
Moskva, 25 may, AZƏRTAC
Rusiyada müqavilə ilə hərbi xidmət üçün yuxarı yaş həddi artırılıb.
AZƏRTAC xəbər verir ki, Rusiya Federasiya Şurası bu barədə qanunu təsdiqləyib. Sənədə əsasən, 18-50 yaşlarında Rusiya vətəndaşları və əcnəbilər silahlı qüvvələrdə xidmət üçün müqavilə bağlaya bilərlər. Qanun Prezident tərəfindən imzalandıqdan sonra qüvvəyə minəcək.
Qeyd edək ki, hazırda qanunda silahlı qüvvələrdə xidmətlə bağlı ilk müraciət yaşı rusiyalılar üçün 18-45, əcnəbilər üçün isə 18-30 yaşdır. Rusiya Silahlı Qüvvələrində 405 min hərbi qulluqçu müqavilə ilə xidmət edir.
Fəridə Abdullayeva
AZƏRTAC-ın xüsusi müxbiri
Moskva
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır