Bakı, 25 may, AZƏRTAC

Dövlət Şəhərsalma və Arxitektura Komitəsinin sədri Anar Quliyev may ayının 31-də Xaçmaz və Şabran rayonlarından olan vətəndaşları qəbul edəcək.
Komitənin Ümumi işlər və ictimaiyyətlə əlaqələr şöbəsindən AZƏRTAC-a bildirilib ki, vətəndaşların qəbulu saat 10:00-dan etibarən Xaçmaz şəhərində yerləşən Heydər Əliyev Mərkəzində keçiriləcək.
Qəbula gəlmək istəyən vətəndaşlar qeydiyyat üçün Dövlət Şəhərsalma və Arxitektura Komitəsinin (+994 12) 493-34-67, (+994 12) 595-13-50 (daxili 598; 599) nömrəli telefonları vasitəsilə müraciət edə bilərlər.
Bununla yanaşı, komitənin “www.arxkom.gov.az” internet səhifəsinin “əlaqə” bölməsində yerləşən müraciət formasını dolduraraq qəbula yazılmaq mümkündür.