Mingəçevir Dövlət Universitetində “Açıq havada kitabxana” təşkil edilib
Bakı, 24 may, AZƏRTAC
Mingəçevir Dövlət Universitetinin (MDU) Kitabxanasının təşkilatçılığı ilə ikinci tədris binasının həyətində tələbələr və orta məktəb şagirdləri üçün “Açıq havada kitabxana” adlı sərgi keçirilib.
MDU-dan AZƏRTAC-a bildirilib ki, sərgidə MDU-nun bir qrup akademik heyət üzvü və tələbələri, Mingəçevir şəhər Nəriman Nərimanov adına 1 saylı tam orta məktəbin ibtidai sinif şagirdləri iştirak ediblər.
MDU əməkdaşlarının müəllifi olduqları dərsliklərin, xarici dildə uşaq ədəbiyyatlarının, pedaqogika və mühəndislik yönümlü kitabların nümayiş etdirildiyi sərgi tələbə və şagirdlər tərəfindən maraqla qarşılanıb.
Qeyd edək ki, gənclərin hərtərəfli inkişafını diqqət mərkəzində saxlayan MDU-da tələbələr arasında kitaba marağın artırılması və mütaliənin təbliğ edilməsi, onların universitetin kitabxanasından daha fəal faydalanmaları məqsədilə belə sərgilərin keçirilməsinə xüsusi önəm verilir.
İranda baş verən zəlzələ Naxçıvan Muxtar Respublikasında hiss olunub - YENİLƏNİB
Ağdamda eyni gündə doğulub, eyni gündə də şəhid olan qardaşların xatirəsi anılıb
Qax Damazlıq İpəkçilik Stansiyasında 4785 qutu ipəkqurdu toxumu inkubasiyaya qoyulacaq
Naxçıvançaydan Heydər Əliyev su anbarına bərk tullantılar daxil olub
Otuza yaxın şəhid övladı Ağbulaq İstirahət Mərkəzində istirahət edib