Stokholm, 24 may, AZƏRTAC

Yaşı 65-dən yuxarı olan isveçlilərə koronavirus əleyhinə vaksinin beşinci dozası təklif olunacaq.
İsveç hökumətinin qərarına müvafiq olaraq, bu ilin payızında yaşı 65-dən yuxarı olan bütün şəxslərə və risk qrupuna aid edilən yaşlı şəxslərə koronavirus əleyhinə vaksinin əlavə, beşinci dozası tövsiyə ediləcək və təklif olunacaq.
AZƏRTAC xəbər verir ki, bu məlumatı İsveçin ictimai səhiyyə agentliyi elan edib.
Ölkənin sosial işlər naziri Lena Hallenqrenin sözlərinə görə, bu, yaşı 65-dən yuxarı insanların immunlaşdırılması üçün beşinci, əlavə doza olacaq. Öz növbəsində, yaşı 18-dən 64-dək olan şəxslər öz istəkləri əsasında dördüncü dozanı vurdura bilərlər. Çünki ölkənin bütün vətəndaşlarının peyvəndlənməsi yalnız tövsiyə edilir.
Rauf Əliyev
AZƏRTAC-ın xüsusi müxbiri
Stokholm