Sofiya, 21 may, AZƏRTAC

Ukraynadan Bolqarıstana gələn, rəsmi olaraq qaçqın statusu almış miqrantların ümumi sayı 100 mini ötüb.
AZƏRTAC xəbər verir ki, Bolqarıstan Baş nazirinin səmərəli idarəetmə üzrə müavini Kalina Konstantinovanın bəyanatına görə, bu il fevralın 24-dən sonra ümumilikdə 270 min ukraynalı bu Balkan dövlətinə daxil olub, lakin onların əksəriyyəti Bolqarıstan ərazisindən “tranzit zona” kimi istifadə edib. “Ölkəmizdə qanuni olaraq qalanlar rəsmi Sofiyadan yardım almağa davam edəcəklər” – Baş nazirin müavini bildirib. Yaxın gələcəkdə Bolqarıstan hakimiyyətinin bu kateqoriyadan olan şəxslər üçün bələdiyyə və idarə yaşayış binalarında 200 mindən çox çarpayı ayıracağı gözlənilir.
İqbal Hacıyev
AZƏRTAC-ın xüsusi müxbiri
Sofiya