Qordan Grliç Radman: Azərbaycanla Xorvatiya arasında münasibətlər çox yaxşı və sabitdir
Bakı, 20 oktyabr, AZƏRTAC
Mənim üçün burada olmaq böyük şərəfdir. Bizim müxtəlif sahələrdə çox gözəl əməkdaşlığımız var. Azərbaycan və Xorvatiya dost ölkələrdir. Azərbaycanla Xorvatiya arasında münasibətlər çox yaxşı və sabitdir.
AZƏRTAC xəbər verir ki, bunu Xorvatiyanın xarici və Avropa işləri üzrə naziri Qordan Grliç Radman Azərbaycanın xarici işlər naziri Ceyhun Bayramovla görüşdən sonra keçirilən birgə brifinqdə deyib.
Xorvat nazir bildirib ki, Azərbaycanda iqtisadi sahədə çox böyük potensial var. Ümid edirəm ki, Xorvatiya şirkətləri burada fəal olacaqlar. “Azərbaycanla minatəmizləmə prosesində çox gözəl əməkdaşlığımız var. Texnologiya, gəmiqayırma, ərzaq, turizm, müdafiə sahələrində də əməkdaşlığımız olacaq. Çünki bizim bu sahələrdə yaxşı təcrübəmiz var. Azərbaycanlı investorların bizim ölkədə fəal olacağına ümid edirik”, - deyə xorvatiyalı nazir əlavə edib.
Şarl Mişel: Azərbaycanla Ermənistan arasında əldə olunmuş razılaşmanı alqışlayırıq
“Qazaxın 4 kəndinin danışıqlar yolu ilə azad edilməsi böyük həqiqətin növbəti təzahürüdür” - RƏY
İsveçin xarici işlər naziri Qazaxın kəndlərinin Azərbaycana qaytarılması ilə bağlı paylaşım edib