Madriddə komendant saatı sərtləşdirilib və qonaq getmək qadağan olunub
Bakı, 25 yanvar, AZƏRTAC
İspaniya hakimiyyəti yanvarın 25-dən etibarən Madriddə komendant saatını sərtləşdirib.
AZƏRTAC “El Pais” qəzetinə istinadla xəbər verir ki, bazar ertəsindən etibarən şəhərdə komendant saatı bir saat tez – yerli vaxtla saat 22:00-da başlayacaq və səhər saat 6:00-a qədər davam edəcək. Kafe, restoran və mağazalar daha tez – saat 21:00-da bağlanacaq. Bu qadağalar azı iki həftə davam edəcək.
Bundan başqa, yerli sakinlərə evlərinə qonaq çağırmaq qadağan edilib. Digər şəxslərlə görüşməyə yalnız küçədə və ictimai yerlərdə icazə verilir, lakin dörd nəfərdən artıq qrup şəklində toplanmaq olmaz.
Mart ayında Ümumdünya Səhiyyə Təşkilatı COVID-19 virusunun yayılmasını pandemiya elan edib. Pandemiyanın statistikasını aparan Worldometer saytının məlumatına əsasən, indiyədək İspaniyada 2 milyon 603 mindən çox insan koronavirusa yoluxub, 55 min 441 nəfər isə infeksiya səbəbindən həyatını itirib.
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır