İstanbulun qurumaq təhlükəsi ilə üzləşən su hövzələrində sululuq səviyyəsi artıb
İstanbul, 25 yanvar, AZƏRTAC
Son bir neçə gün ərzində davam edən yağıntılı hava şəraiti İstanbulu su ilə təmin edən və qurumaq təhlükəsi ilə üzləşən su hövzələri, eləcə də göllərində doluluq miqdarının 32,78 faizədək artmasına səbəb olub.
AZƏRTAC xəbər verir ki, bu barədə İstanbulun Su və Kanalizasiya İdarəsindən (İSKİ) bildirilib.
İSKİ tərəfindən aparılan hesablamalara əsasən, yanvarın 8-də bu rəqəm 19,16 faiz təşkil edirdi. Ən çox artım isə 54,03 faizlə ölkənin Istranca bölgəsində qeydə alınıb.
İstanbulu su ilə təmin edən hövzələrin maksimum yığım həcmi 868 milyon 683 min kubmetrdir. Lakin buna baxmayaraq, hazırda bu hövzələrdə su miqdarı 285 milyon kubmetrdir. İstanbulda gündəlik orta hesabla 2,8 milyon kubmetr su istifadə edilir. Hövzələrdəki su miqdarı bölgələrə görə dəyişir.
Günel Məlikova
AZƏRTAC-ın xüsusi müxbiri
İstanbul
Zaxarova: ABŞ-ın Ukrayna, İsrail və Tayvana yardımı böhranı daha da dərinləşdirəcək
Bayden: Ukraynaya yardım döyüş meydanında təcili ehtiyacların ödənilməsi üçün zəruridir
ABŞ Konqresi Ukraynaya 61 milyard dollarlıq yardıma dair qanun layihəsini qəbul edib
Yaponiyada 2 hərbi helikopterlə əlaqə kəsilib
Zelenski: Ukrayna ABŞ-la təhlükəsizlik zəmanəti üzrə razılaşmaya yaxınlaşır